مواقف: كل الاوقات | النهارده بس | الاسبوع الماضي | الشهر ده | السنه دى

النهادرة، بنت خالتى اللى عندها 9 سنوات، اول ما قولتلها ان رمضان خلاص خلص، فرحت وقالتلى يعنى خلاص، هينفع نشتم ؟ رد فعل غير متوقع , A7A
النهادرة، راكبة تاكسى لا بيا ولا عليا، يقوم سواق التاكسى يقولى خلاص انزلى يا استاذه خلقى ضاق، يعنى ياحج خلقك ضاق! خلقى ضاق والله ما هسوق تانى … يا حاج طب وصلنى وافقد الشغف براحتك، طب دفعت وقربت اوصل .. لا والله ما هسوق .. ونزلنى فعلا ونزل هو كمان خد تاكسى تانى ومشى وساب التاكسى بتاعته , A7A
كان، معايا طالب صغنن خالص مكملش 4 سنوات، بحاول افهمه بطريقة بسيطة تعليم الاسلام ،من ضمن كلامنا عن رمضان والصيام، قلتله انه يقدر يتمنى او يدعى وقت المغرب وربنا هيحقق الدعوة او الامنية دي، واتفقنا انه ف السيشن اللى بعدها يقولى هو دعى باية، السيشن جت وكان متحمس اوى يا حبيبى لدرجه انى اول ما قولتله سلام عليكم، قالى انه عايز يقول هو اتمنى او دعى اية وانا بصراحة اتحمست اسمع منه فعلا، المهم قلب ماما طلع داعى عليا اموت، عشان ميبقاش فية سيشنز تانى 🥰🥰🥰 , A7A
النهارده، مدرسة ابن اخويا متصلين بينا، يقولولنا اننا لازم نودى الولد لدكتور تخاطب، وازاى سايبينه كدا للسن دا، واحنا مش فاهمين حاجه، طلع مفهمهم انه اخرس، عشان محدش يكلمه محدش = المدرسين , A7A
كان، عندنا جماعة ضيوف جايين يقروا فاتحة اختى، وكانوا اول مرة يزورونا، ولما مشيوا طلبنالهم اوبر، وبعد ساعة لقينا رقم بيرن ع ابويا طلع سواق الاوبر، بيقول لابويا حضرتك الجماعة وصلوا بالسلامة، والبنت عجبتهم وناويين يرجعوا مرة تانية، انا حبيت ابلغكم وافرحكم، الله عليك يا فخر الاوبر 😂😂 , A7A
صاحبتى، بقالها اسبوع متفقه مع خطبيها انهم يخرجوا وكدا، وراحت اشترت بادى اسبلاش جديد وميكب بقى وكدا، اول ما ركبت العربية قالها اي الريحة، ف هى فرحت بقى، وقالت هيقولها ريحتك قمر والمحن ده ف قالتله حلوة يا حبيبى، دة بادى اسبلاش جديد، قالها انا مبعتمدش اسامى انتى ريحتك معسل , A7A
نداء، لاصحاب المخابز اتقوا ربنا وكبروا الرغيف شويه، الواحد وهو معزوم بقا بيتكسف، وهو بيمد ايده، على الرغيف التاسع , A7A
كان، بيقولى البسى ضيق وقصير، علشان يعرفوا، ان معايا بطل , A7A
النهارده، خطيبة اخويا رنت عليه من شويه وهو نايم، علشان تحكيله عن الكيكه، ال مش عارفه تعملها، وهو صحى وفاق وكان متجاوب، وال هو استنى ده لازم نحط كذا وجربى تحطى كذا، وحسسها ان الموضوع يستاهل، ف انا دلوقتى عاوزه حد ارن عليه اصحيه احكيله، عن المذاكره ال مش عارفه اذاكرها، ويتجاوب معايا كده برضوا , A7A
النهارده، كنت بصلى التراويح فى كمبوند مشهور فى التجمع، المهم الامام دعى وقال، اللهم لا تجعل لنا دينا الا قضيته، محدش قال امين الا انا , A7A