مواقف: كل الاوقات | النهارده بس | الاسبوع الماضي | الشهر ده | السنه دى

النهادرة، راكبة تاكسى لا بيا ولا عليا، يقوم سواق التاكسى يقولى خلاص انزلى يا استاذه خلقى ضاق، يعنى ياحج خلقك ضاق! خلقى ضاق والله ما هسوق تانى … يا حاج طب وصلنى وافقد الشغف براحتك، طب دفعت وقربت اوصل .. لا والله ما هسوق .. ونزلنى فعلا ونزل هو كمان خد تاكسى تانى ومشى وساب التاكسى بتاعته , A7A
النهارده، كنت فى التحرير فى المظاهره، و لقيت واحد بيقول انا اتسرقت و راح فتح مطوه و قعد يزعق و يقول محدش خارج من الميدان الا لما يتفتش , A7A
النهارده، كنت رايح الكليه و فى الطريق بين البيت و الكليه مدافن فا اتعود و انا رايح اقرالهم الفاتحه، اعدت اكتر من 5 سنين كده، المهم و انا رايح النهارده وقفت و قريت الفاتحه و بدعيلهم، لقيت راجل جه وقف جنبى و قالى يا استاذ دى مدافن مسيحين , A7A
النهارده، وقفت ف كمين عشان غرامة الكمامه المفروض ادفع 50 جنيه، ف ماكنش معايا، فكلمت واد صاحبى جابلى الخمسين جنيه بس ماكنش لابس كمامه دفعنا 100 جنيه , A7A
النهارده، كان عندى درس الساعة 6.5 الصبح و كنت متأخر أخدت تاكسى و كان السواق محششش اول مركبت اخدنى و طلع يجرى قولتله رايح فين يا عم الحج، لقيته طلع مطوه و قالى قب بالفلوس اللى معاك ياض طلعت الموبايل و الفلوس، ضحك و قالى كنت بهزر معاك رايح فين يا حبيبى بقى , A7A
النهارده، كنت رايح مشوار الصبح بدري وقايم قرفان من الدنيا كلها ومش طايق اي كائن حي قدامي، وقفت تاكسي وركبت لقيت السواق عمال يتغابي ويرمي كلام مش حلو وانه مش بيحب الستات و انه ملوش فيهم، فضلت صامت لغايه ما قررت اخيرا اكلمه، قولتله يا عم ربنا يرزقك ببنت الحلال، قالي لا يا عم الرجاله مفيش احسن منهم , A7A
كانت, فى ست عجوزه قاعده جمب السواق بتاع الميكروباص, وكانت عماله تدي السواق فول سودانى, وكان مبسوط جدا بعد ما الفول خلص, السواق سألها ياحجه منين جبتى الفول الحلو دا, راحت قالتلو دا مش فول دى شوكولاته اسنيكرز جابهالى ابنى الكبير وانا اسنانى ضعيفه, فكنت عماله بمص الشوكولاته واديله الفول تاكله 😂كورونا 😂 , A7A
النهاردة, ماشية فواحد بيقول لخطيبته, انا خطبتك في تجارة انجلش مش علشان تنكدي علي امي, زي بتاعة علوم🙂🙂 , A7A
النهادرة, من كتر الاحراج كان هيغمى عليا والله بسبب ابنى, واقفين نشترى نشا من كارفور وابنى العاقل الراسى بيغنى وبيسمع كارتون المقنعون الصغار, راح باصص للست اللى جمبى ايتها البومه اين لباسك, الست قالتله لابساه يا بنى يعنى هنزل من غيره, انا من كتر الاحراج والضحك فى نفس الوقت, سبت ابنى مع باباه وركنت ع الرف بتاع عشر دقائق, بعيط من الضحك , A7A
النهادرة, بمناسبة زيت الحشيش, كنت متعودة اجيب من واحدة زيت الحشيش ده لشعرى وفى يوم بكلمها وانا راكبة اوبر وبقولها محتاجه حشيش يا مروة قالتله انه خلص.. انا بقى بكل حماسة الدنيا : اية, بتقولى خلص , بتهرجى اعمل ايه انا دلوقتى, اتصرفى محتاجاه جدا يا مروة خلاص اخر حبه استخدمتهم امبارح, اتصرفى.. وقفلت السكة وأنا متأثره جدا,لقيت كابتن العربية ركن ع جنب وقام فاتح التابلوه بتاع العربية وطلع سيجارتين وقالى : والله جايبهم بالشئ الفلانى بس انا عارف شعور انك تبقى خرمان اتفضلى انتى واحدة وانا واحدة ولا تشيلى هم , A7A