مواقف: كل الاوقات | النهارده بس | الاسبوع الماضي | الشهر ده | السنه دى

مره, كنت مرتبط بواحده, وباخد عندها درس ف 3 ثانوى, ومامتها عارفه وايزى, وكنا قاعدين ف الصاله, مامتها قامت تجيب حاجه من الاوضه, راحت ديه جات بايسانى ف خدى, فالبوسه عملت صوت كدا, راحت مامتها قالتها جيجيييييي, راحت قايلالها من خده يا ماما , A7A
مره, كنت رايح خناقه مع صحابى, و اول ما روحنا ضربنا الواد كان لوحدو, المهم الواد بعت جاب اهلو ولقينا ناس كتير جايه بسيوف وسنج, صحابى جريو و سبونى روحت جارى مع الناس ورا صحابى و قولت للناس, هو الواد الاسود ده الى ضرب اخوك, الاسود ده كان صاحب المشكله و اول واحد جرى وفضلت اجرى وراه من ميدان الحلميه لحد مدرسه ابن خلدون, و اخدت شومه من الناس و فضلت اجرى وراه انا والناس, وبعد كده خلعت انا , A7A
مره, من كام سنه كده كنت مقدم حربيه, يوم اختبار السيمات بيدونا كراسه خضرا فيها الاسئله و فى اخر الامتحان بيخدوها تانى, العسكرى وهوا بيجمع الكرسات لقى واحده ناقصة راح نادى الظابط, الظابط اتجنن ازاى ده يحصل فى الكليه الحربيه, فكر ان حد مخبيها فى البنطلون قلعونا ملط, طبعا كلنا مرعوبين قلعنا, و الراجل ملقاش حاجه, قال للعساكر دورو جنب الشجر, لقيو الكراسه والحمد لله, قلنا خلاص الموضوع خلص, لقينا الظابط بيقول اللى مش هيقول مين خبى الكراسه, محدش هيخرج من الكليه, لقيت واحد بيلف وبيشاور عليا , A7A
مره, كنا ف الشغل و كنت انا و مهندسين زمايلي ف إداره الإنتاج مدمنين تأخير الصبح, مدير الانتاج حاول يخلينا نيجي و منفعش, ف قالنا انا هاخصم لواحد فيكوا الأول و ده هيكون أكتر تأخير, و جه معاد القبض دخلت على زميلي لاقيته زعلان و مخنوق سألته قالي اتخصم منى 500 جنيه, الصراحه قعدت اضحك و قولتله يبقى انت اللي كسبت الروند الشهر ده, بصلي كده و قالى هو انت ماقبتضش, قولتله لسه, قاللى الحق الخزنه, روحت لقيت نص مرتبي مخصوم , A7A
مره, يوم نهائى كاس العالم المشئوم بالنسبالى, قاعد انا و ابويا بنتفرج ع الماتش, و العيله كلها بتموووووت فى هولندا, انا الوحيد اللى بشجع اسبانيا, المهم الماتش شغال ال90 دقيقه, الكوره وصلت لاينستا, لسه بقول الللللللللللللللللللللللللله و هو بيشوت, النور قطع , A7A
مره, اتعاركنا مع واحد من المدرسه اللى جنبنا و قالنا اخر يوم فى الامتحانات حنشوف مين الراجل, ف جهزنا ناس عشان العركه, و اليوم اللى قبل الاخير الواد جاب شارع كامل, و جى عايز يضربنا, المدرسه كلها اتحبست و منظرنا قدام البنات كان زباااااله, و اللى كان هيتعارك معانا ميعدوش 15 واحد, و ده كان جايب شااارع , A7A
مره, كنت فى الكليه ومعانا واحد زميلنا زى القمر بجد وبصراحة كل البنات كانت هتموت عليه علشان هو امور وكمان واد تقيل, كان فيه بنت هو شافها ونفسه يظبطها, قعد فى يوم يبصلها وتبصله و يبتسملها لحد ما قدر يجيبها وضحكتله وبعدين شارولتله و هوا قايم يروحلها يتعرف عليها, بنطلونه اتقطع , A7A
مره, كنت سايق العربيه رايح القاهره لقيت لجنه علي الطريق و الظابط راح موقفني, فبقوله ليه يا باشا قالي ردار, قولتلو ليه هي السرعة كام قلي 90 كم, قولتلو وانا كنت ماشي علي كام قالي 92 كم, قولتلو احاااااااااااااا, قالى 150 جنيه مخالفه , A7A
مره, واحد صاحبى كان قايلى اروح اعمل انترفيو فى الشركه اللى شغال فيها, المهم نزلت من بيتنا فى اليوم اللى قالى عليه وانا نازل ولسه مخرجتش بره المنطقه يتاعتنا, عيل صغير بيهزر مع صاحبه بعلبه بويا (دهانات الحائط), راحت لابسه فى وشى وهدومى , A7A
مره, كنت رايحه اقدم فى معهد فنون مسرحيه (تمثيل و اخراج), قابلت استاذ هناك واستغربنى جداااا عشان محجبه, وازاى هامثل وانا محجبه, قولتله انى عايزه الاكتر الاخراج ولو هامثل ايه المشكله؟؟ قالى: ازاى يعنى افرضى انا طلبت منك تمسكى ايد زميلك او تحضنيه, هاتعملى كدا وانتى محجبه !! قولتله هو دا التمثيل بالنسبالك, وخدت اوراقى ومشيت , A7A