مواقف: كل الاوقات | النهارده بس | الاسبوع الماضي | الشهر ده | السنه دى

طبعا عدد ضئيل من الشعب هوا اللى عارف معنى الكلمه دى
هنا هقولكو معانيها (اكتر من معنى), اتقالت امتى, مين اول واحد قالها و قالها ليه
هتعرفو كمان ليه الاعتقاد دلوقتى بان الكلمه مش محترمه (قبيحه)

 

   1) معانيها:
   احا ليها اكتر من طريقه للكتابه و النطق و كل طريقه ليها معنى مختلف عن التانى

   – فى اللهجه المصريه و اللهجات التانيه:
   احا (ا ح ا)
اختصار لجمله: انا حقا اعترض او انا حقى اعترض
   احه (ا ح ه) اختصار لجمله: ارفض حدوث هذا
   احا: مشتقه من اح: كلمه بتتقال لما تكح او تتلسع او تتخبط و بتتقال بردو للاطفال الصغيرين للتعبير عن الغضب
(كخ)
   احا: فى بلاد زى الاردن معناها الكحه و بلاد تانيه معرفهاش معناها اصيل زى مثلا لما نقول “انا مصرى احا” = “انا مصرى اصيل”

   – فى اللغه العربيه:
  
احا: كلمه كان بيقولها البدو للمعيز و الخرفان و الكلام ده
(لسان العرب)
   احا: مشتقه من الاحاح و الاحاح ليها معانى كتير حسب النطق فا تيجى بمعنى:
   العطش الشديد, الحزن الشديد, الغيظ, الحقد, الكراهيه و الكحه او العطس
(لسان العرب)
   احا: مشتقه من اح نفس معنى الاحاح الاتنين اصل واحد و معانى واحده بردو الغيظ, الكراهيه, العداوه, و الكحه و الكلام ده (مقاييس اللغه)

   – فى الحكايات اللى بنسمعها:
  بيقولك فى العصر الفاطمى; طلع قانون يمنع الناس انها تقول لفظ “احتج”, فا المصريين ساعتها حورو الكلمه و خلوها “احتا”  (من يومنا و احنا معارضين)
   الفاطميين اكتشفو الموضوع ده, راحو المصريين قلبوها لـ”احا”, و بعدين القانون اتلغى و الكلمه اتشهرت.

   فى اغلب الحالات احا كلمه تعتبر اسلوب اعتراض شديد اللهجه

   2) اتقالت امتى و مواقف مشهوره:
   من زمان اوى 😛
   من المواقف المشهوره لكلمه احا, هيا لما الريس جمال عبد الناصر طلع و قال هاتنحى عن الحكم
   و كان رد الشعب ليه فى مظاهره شعارها “احا احا لا تتنحى”
   موقف تانى مشهور (افتتاح موقع A7A.me يوم 10 سبتمبر 2010) 😀

3) مين اول واحد قالها و قالها ليه:
   معرفش
😀

4) ليه الاعتقاد دلوقتى بان الكلمه مش محترمه (قبيحه):
  فى الوقت اللى الاعتقاد ده ظهر فى مصر, كانت الدوله لسه بتبنى نفسها, و كانت العقول مشوشه بسبب الانجليز و الفرنسيين و الناس دى
و حصل الانقسام بين المصريين الاغنيا و الفقرا, الجيل الجديد من الاغنيا كانو متعلمين فى اوروبا و مش ناقصهم حاجه عشان يقولو احا
اما الجيل الجديد من الفقرا فا كانو دايما بيقولو احا, و كان عندهم التطلع للاغنيا
(عايزين يبقو اغنيا زيهم) فا كان التقليد فى الكلام من الاغنيا
و هنا كلمه احا كانت لسه عاديه و لكن, مينفعش تتقال ادام حد غنى او حد صاحب علم تعبيرا للاحترام يعنى
و هكذا لغايه ما الناس بقو يربو اولادهم ع ان احا دى كلمه مش محترمه زى ما الاغنيا بيربو ولادهم
😀
   طبعا دلوقتى الكلمه موجوده ع انها قبيحه محدش بيقولها غير اطفال الشوارع, و لما الاطفال المتربيه يسألو اهاليهم يعنى ايه احا
يسمعو الاجابه المعتاده “كلمه وحشه” و بعديها يسمعو صوت الصمت
😀
(
رأى شخصى مش كلام حقيقى)