مواقف: كل الاوقات | النهارده بس | الاسبوع الماضي | الشهر ده | السنه دى

مره, كنت فى شغل فى نادى الصيد وكنت بعمل عصير لمون و بقالى نص ساعه بعصر بالعصاره اللى بتعصر بالضغط لحد ما الرست بتاعى وجعنى راح واحد صاحبى جه دلق طبق اللمون , A7A
مره, كنت راجع البيت تعبان و مطبق دخلت علي السرير علي طول و فتحت التكييف لقيت جرس الانتركم بيرن, قلت يمكن بابا بس بابا مسافر, طب يمكن محمد صاحبي بس انا لسا موصلو البيت, طب يمكن صاحبتي و دي ايه اللي هايجبها هنا, كل دا و هوا بيرن وانا عاايز اناااام, قلت بعد شويه هيزهق, مزهقش !!! قمت بالعافيه و خبطت في كل عفش الشقه, رديت سمعت صوت طفل, بيقولي ايوا يا عمو مسكت اللي كان بيرن خلاص , A7A
مره, جبنا مكوه جديده و انا متعود ع المكوه القديمه بتاعنا كانت شغاله بالبركه لما كنت بكوى بيها كان لازم ادوس عليها جامد و اسيبها و اقوم شايها الاقى القماش اتكوى,المهم كان يوم صلاه جمعه, صحيت بدرى جبت الجلابيه البيضا من ع الحبل عشان اصلى بيها, و طلعت المكوه الجديده و شغتلها, حطتها ع كم الجلابيه و دوست جامد, شيلتها لقيتها خرمت الكم و بوظت الجلابيه, اتاريها مش معفنه زى القديمه, قمت ع طول رجعتها ع الحبل ولا كأن حاجه حصلت , A7A
مره, كنت نايم و صحيت ع جرس الباب بيرن بعنف, طلعت اجرى, فتحت الباب و لسه هشتم, لقيت واحد بيقولى زيت حلوه زيت واحد من البيت, اشترى 6 ازاير تاخد واحده هديه , A7A